OTANeko 13 soldadu hil dira Afganistanen eraso suizida batean

OTAN-en "konboi" internazional bati egindako eraso suizidak 13 soldadu eta 4 zibil hil ditu Kabul-en. Zibiletako bat polizia da eta soldaduen artean aldiz gehiengoa estatubatuarra.


Erasoa Afganistaneko hiriburuko Darumalán plazan gauzatu da goizeko 11:15 inguruan, bertako polizia buruak azaldu duenez. Ibilgailu batek "konboi"-aren aurka egin du talka leherketa handia eraginez.

Errebelde talibanek eraso suizidak egiten dituzte soldadu internazionalak herrialdetik bota eta Afganistaneko gobernuaren aldaketa eskatzeko. NBE-ak irailan ezagutzera eman zuenez, Afganistanen indarkeria tasa %40 egin du gora eta azken urtean Kabul ekintza horietariko askoren eszenatoki izan da.


Aldi berean, herrialdearen hegoaldean bi australiar hil ditu poliziaz mozorrotutako gizon batek.

Lander Arretxea